Granvin kåra til beste bygdekino
Granvin kulturhus i Seljord er kåra til årets bygdekino i 2009.
Av 220 spelestadar for Bygdekinoen er Granvin kulturhus plukka ut som den beste i kinosesongen 2008/09. I juryens grunngjeving heiter det at kulturhuset i mange år har gjort ein flott jobb med å leggje til rette for bygdekino i Seljord.
Premien er eit stipend på 7.500 kroner og eit diplom. Stipendet skal brukast til å delta på filmfestivalen i Haugesund eller ein annan norsk filmfestival. Dagleg leiar Randi Nordskog set pris på utmerkinga og lovar diplomet heidersplass.
– Eg håpar me alle her på Granvin kan reise til Haugesund. Styreleiar Olav Moen har sagt at styret kan overta drifta av huset om me reiser til Haugesund, smiler Nordskog.
Kinomaskinist Thorstein Larsen meiner Granvin er ein verdig vinnar av prisen.
– Kulturhuset er ein veldig sentral plass for Bygdekinoen og stiller alltid opp. Me føler oss alltid heime her, seier Larsen.
Han skryter av Randi Nordskog som alltid har halde ope hus for Bygdekinoen og vore fleksibel med å leggje til rette for filmvising.
Den daglege leiaren av kulturhuset får overrekt prisen i dag. På grunn av songlagskonsert til veka er kinoen flytta frå sundag til laurdag. I tillegg til barnefilmen «Coraline og den hemmelige dør» kan kulturhuset lokka med «Engler og demoner» som akkurat har hatt noregspremiere.
Vanskeleg å trekke folk til barnefilmar
3.000 menneske var på kino på Granvin i fjor. Det er 900 fleire enn i 2007. Storfilmar som Max Manus og Mamma Mia trekte fulle kinosalar, men Nordskog innrømmer at ikkje alle kinoane er like godt besøkt. Det har hendt at det har vore fire på barnefilmen og sju på vaksenfilmen.
– Spesielt vanskeleg er det å få folk på barnefilmane. Mange har store skjermar i heimen der ungane kan sjå teiknefilmar. Men kino er alltid betre enn å sjå heime, meiner ho.
I dag er det kino på Granvin annankvar sundag. Nordskog håpar dei snart kan få tilbake ordninga med kino kvar veke, noko kinomaskinist Larsen trur kan vere ein realitet alt neste år.
– Kinoen er ein viktig del av tilbodet på Granvin, meiner Nordskog.
Thorstein Larsen køyrer rundt med verdast fyrste mobile digitale filmvisingsutstyr i bilen sin. Bygdekinoen fekk støtte av Bykle kommune til det digitale utstyret. Den nye teknologien gjer at Bygdekinoen alltid er oppdatert med nye filmar. Digitalt utstyr er det framleis berre kinoane i dei store byane som har, i tillegg til maskinist Larsen. I tillegg til å vera oppdatert på kinofronten, betyr også det digitale utstyret klårare bilete og betre lyd.
– Kinogjengarane er veldig bevisste på kvalitet, erfarer Larsen som har vore i Bygdekioen sidan 70-talet.
Tidleg forhold til kino
Randi Nordskog har hatt ein forhold til Bygdekinoen frå ho var ungdom. Sjølv om det ikkje var filmen som lokka den då 16 år gamle jenta frå Morgedal.
– Eg hadde ein kjærast i Fyresdal og nytta høvet til å sitje på med kinomaskinist Kåre Nilsen når han skulle vise film i Fyresdal. Men eg trur aldri eg var på film der, ler Nordskog.
Dagens to filmar er dei siste i Seljord før sommaren. Etter å ha køyrt nesten kontinuerleg sidan august, ser kinomaskinist Thorstein Larsen og sambuar Lisbeth Ydse fram til sommarferie, før planlegginga av neste kinosesong kan ta til.
Premien er eit stipend på 7.500 kroner og eit diplom. Stipendet skal brukast til å delta på filmfestivalen i Haugesund eller ein annan norsk filmfestival. Dagleg leiar Randi Nordskog set pris på utmerkinga og lovar diplomet heidersplass.
– Eg håpar me alle her på Granvin kan reise til Haugesund. Styreleiar Olav Moen har sagt at styret kan overta drifta av huset om me reiser til Haugesund, smiler Nordskog.
Kinomaskinist Thorstein Larsen meiner Granvin er ein verdig vinnar av prisen.
– Kulturhuset er ein veldig sentral plass for Bygdekinoen og stiller alltid opp. Me føler oss alltid heime her, seier Larsen.
Han skryter av Randi Nordskog som alltid har halde ope hus for Bygdekinoen og vore fleksibel med å leggje til rette for filmvising.
Den daglege leiaren av kulturhuset får overrekt prisen i dag. På grunn av songlagskonsert til veka er kinoen flytta frå sundag til laurdag. I tillegg til barnefilmen «Coraline og den hemmelige dør» kan kulturhuset lokka med «Engler og demoner» som akkurat har hatt noregspremiere.
Vanskeleg å trekke folk til barnefilmar
3.000 menneske var på kino på Granvin i fjor. Det er 900 fleire enn i 2007. Storfilmar som Max Manus og Mamma Mia trekte fulle kinosalar, men Nordskog innrømmer at ikkje alle kinoane er like godt besøkt. Det har hendt at det har vore fire på barnefilmen og sju på vaksenfilmen.
– Spesielt vanskeleg er det å få folk på barnefilmane. Mange har store skjermar i heimen der ungane kan sjå teiknefilmar. Men kino er alltid betre enn å sjå heime, meiner ho.
I dag er det kino på Granvin annankvar sundag. Nordskog håpar dei snart kan få tilbake ordninga med kino kvar veke, noko kinomaskinist Larsen trur kan vere ein realitet alt neste år.
– Kinoen er ein viktig del av tilbodet på Granvin, meiner Nordskog.
Thorstein Larsen køyrer rundt med verdast fyrste mobile digitale filmvisingsutstyr i bilen sin. Bygdekinoen fekk støtte av Bykle kommune til det digitale utstyret. Den nye teknologien gjer at Bygdekinoen alltid er oppdatert med nye filmar. Digitalt utstyr er det framleis berre kinoane i dei store byane som har, i tillegg til maskinist Larsen. I tillegg til å vera oppdatert på kinofronten, betyr også det digitale utstyret klårare bilete og betre lyd.
– Kinogjengarane er veldig bevisste på kvalitet, erfarer Larsen som har vore i Bygdekioen sidan 70-talet.
Tidleg forhold til kino
Randi Nordskog har hatt ein forhold til Bygdekinoen frå ho var ungdom. Sjølv om det ikkje var filmen som lokka den då 16 år gamle jenta frå Morgedal.
– Eg hadde ein kjærast i Fyresdal og nytta høvet til å sitje på med kinomaskinist Kåre Nilsen når han skulle vise film i Fyresdal. Men eg trur aldri eg var på film der, ler Nordskog.
Dagens to filmar er dei siste i Seljord før sommaren. Etter å ha køyrt nesten kontinuerleg sidan august, ser kinomaskinist Thorstein Larsen og sambuar Lisbeth Ydse fram til sommarferie, før planlegginga av neste kinosesong kan ta til.